Некогашна голема ѕвезда на Барса, Баерн и Интер осомнична за силување во Чиле!

Во краткото соопштение, обвинителството потврди дека има пријави за сексуален напад поврзани со „фудбалери на Коло Коло“, вклучувајќи го и Видал, но истакна дека „никој не е приведен“. Имињата на другите осомничени играчи не се објавени. Според информации од локалните медиуми, инцидентот наводно се случил во раните утрински часови во понеделник во ноќен клуб во Сантјаго, каде што група фудбалери од Коло Коло биле на забава. Се пренесува дека 22-годишна жена, која е неименувана, тврди дека била дрогирана во бар во квартот Вита Кура во Сантјаго.

Полицискиот полковник Херардо Аравена изјави за новинарите дека 37-годишниот Видал бил донесен во полициска станица за идентификација, објаснувајќи дека тоа е стандардна процедура кога лице е осомничено за извршување или обид за извршување на кривично дело. Видал досега има одиграно 142 натпревари за Чиле и постигнато 34 голови. Во својата кариера настапувал за Барселона, Баерн Минхен, Интер и Јувентус, а од јануари оваа година е член на Коло Коло.