Победата на Атлетико падна во сенка на Симеоне: Ова е трагедија! (ВИДЕО)

03 ноември 2024 - 16:11

Атлетико Мадрид им се врати на победите во Ла Лига, откако денеска славеше со 2-0 против Лас Палмас, но триумфот падна во сенка на изјавата на тренерот Диего Симеоне.

Стрелци за гигантот од Мадрид беа Џулијано Симеоне и Александер Сорлот, но тренерот Симеоне по мечот зборуваше за катастрофата која ѝ се случи на Валенсија.

„Нема смисла тоа дека мора да играме фудбал. Ситуацијата е многу сериозна. Постојат луѓе на кои им е тешко и им е потребна помош. Тоа е многу тажно, но ни кажаа дека мора да играме. Ова е трагедија“, кажа Симеоне.