Винисиус ги прекинал преговорите за нов договор со Реал Мадрид

31 октомври 2024 - 18:54

Бразилскиот репрезентативец Винисиус Жуниор е во центар на внимание во последните недели поради тоа што се очекуваше да ја освои „Златната топка“, но остана без наградата, а сега наводно ги прекинал и преговорите со Реал Мадрид.

Винисиус преговараше со „кралевите“ за нов договор, но шпанскиот портал „Релево“ објави дека Бразилецот решил да се повлече од преговорите поради богата понуда од Саудиска Арабија.

Ѕвездата на Реал Мадрид наводно добила понуда од милијарда евра за петгодишна соработка со саудиски тим чие име засега не се открива во медиумите.