Реал Мадрид подготвува 100 милиони евра за француски репрезентативец?

10 октомври 2024 - 17:59

Aко судиме според најавите на шпанските медиуми, Реал Мадрид во наредното лето ќе се засилува во сите линии на тимот, но приоритет е одбраната.

Тука прва позиција е Вилијам Салиба од Арсенал, одличниот стопер на Арсенал и репрезентативецот на Франција.

Салиба е еден од лидерите на Арсенал и минатата сезона ја одигра секоја минута во Премиер лигата и тоа доволно зборува колку е важен за Артета, а не треба да се заборави и дека има 23 години.

Неговиот договор со Арсенал е со важност до 2027 година и се очекува Реал за него да понуди сума од околу 100 милиони евра, но прашање е колку Арсенал би бил расположен да преговара.