Вардар „на мускули“ го реши Пролет за петти триумф во Суперлигата

04 октомври 2024 - 19:55

Поранешниот македонски шампион Вардар славеше против Пролет со 28-25 во шестото коло од Суперлигата и ја запиша петтата победа во домашниот шампионат.

Вардар се мачеше од самиот почеток против незгодниот Пролет, кој во 10. минута водеше со 4-3, но до паузата „црвено-црните“ го свртеа мечот во своја корист и на паузата заминаа со 16-15.

Пролет даваше отпор и во второто полувреме, односно не му дозволи на Вардар да избега на посериозна разлика. Бившиот европски првак конечно го скрши отпорот на гостинот во завршницата на мечот кога поведе со 26-22, а на крајот триумфира со 28-25.

Најдобри во победничкиот тим беа Милан Лазаревски и Марко Срдановиќ со по седум голови, додека Андреј Стојановски постигна седум погодоци за Пролет.