Меч за паметење: Алкараз по три ипол часа фантастичен тенис го освои Пекинг!

Во финалето кое беше спектакуларно Шпанецот го совлада првиот светски тенисер со 2-1 во сетови (6)6-7), 6-4, 7-6(3), по три часа и 21 минута феноменален тенис.

Се редеа одлични поени од почетокот до крајот. Алкараз прв стигна до брејк и поведе со 3-1 во првиот сет, но при водство од 5-4 му дозволи на Синер да го врати брејкот и да остане во првиот сет. Откако Алкараз пропушти три сет топки, Синер успеа да поведе со 1-0.

Високиот ритам на игра продолжи и во текот на вториот сет. Алкараз во завршицата од сетот стигна до брејк во деветиот гем и сега не дозволи да ја испушти предноста, па израмни на 1-1 во сетови.

Драмата кулминираше во третиот сет. Алкараз дојде до брејк во третиот гем за водство од 2-1 и изгледаше дека тогаш ќе го одлучи мечот. Сепак, Синтер повторно се врати и му го одзема зервисот во осмиот гем за израмнување на 4-4.

На крајот се беше одлучено во тај-брејк каде што Алкараз за нијанса беше подобар и дојде до трофејот.