Поранешен италијански фудбалер пронајден мртов во хотелска соба

30 септември 2024 - 08:40

Поранешниот фудбалер на Каљари, Андреа Капоне кој имаше 43 години бил пронајден мртов во хотелска соба, потврдуваат италијанските медиуми.

Капоне бил пронајден со повреди на вратот, па така се сомнева дека починал по некаков пад. „Газета“ пренесува дека фудбалерот претходната ноќ ја поминал со своето друштво на журка во ноќен клуб, а наредното утро починал.

Брзата помош пристигнала и се обидела да го реанимира, но за жал можеле само да констатираат смрт. Отворена е и истрага од полицијата.

Капоне својата фудбалска кариера ја заврши во 2010 година, а покрај Каљари каде што остави најдлабока трага играше за Тревисо, Виченца, Гросето и Салернитана.