По нападот од навивачите: Тренерот Станојевиќ побегна од Партизан!

24 септември 2024 - 14:08

Александар Станојевиќ повеќе не е тренер на Партизан, дознава српски „Телеграф“, откако поднесе оставка веднаш по синоќешниот убедлив пораз од Црвена звезда (4-0).

Тој оваа одлука им ја соопштил на челниците на клубот и спортскиот сектор, со кои ќе разговараат денеска. Со ова по само четири месеци заврши третиот мандат на Станојевиќ во црно-белиот табор, каде што пристигна во јуни и беше пречекан практично како спасител поради резултатите што ги постигна со Партизан во минатото.

Овој пат, сепак, ништо не одеше според планираното. По елиминацијата во Европа од три обиди, како и слабиот старт во српската Суперлига, чиј врв беше убедливиот пораз во дербито, како и инцидентот по мечот кога беше повреден по напад на хулигани.