Американка бара промени: Укинете ги 15, 30 и 40 во тенисот!

19 септември 2024 - 09:59

Поранешната тенисерка Били Џин Кинг бара револуција во светот на тенисот за да стане поинтересен за младата публика.

Американката ја заврши кариерата уште во 1990 година, но и покрај тоа сака да помогне тенисот да стане повеќе популарен во иднина.

„Не можам да го поднесам системот на бодување. Мислам дека тешко се навикнуваат луѓето на него. Треба да ги укинеме 15,30 и 40 и да имаме 1,2,3 и 4. Секој тенисер треба да има дрес на кој ќе го пише името и бројот. Мора да ги промовираме нашите тенисери. Погледнете ги другите спортови како кошарка, фудбал, сите имаат име и број“, вели поранешната тенисерка.