Петраков: Очекувам цврст и тежок меч, Македонија е добра репрезентација
За разлика од Македонија, Ерменија одлично ја почна Лигата на нации победувајќи ја Летонија со убедливи 4-1, па со самодоверба допатува во Скопје.
„Го гледавме натпреварот на Македонија против Фарски Острови. Минатата година игравме со македонската репрезентација, па се сеќаваме и на тој меч. Македонија е добар тим и не можеме да очекуваме дека лесно ќе победиме. Мислам дека тоа ќе биде цврст и тежок натпревар и нијанси ќе го одлучат победникот“, изјави селекторот Петраков.
Слично размислува и фудбалерот на Ерменија, Андре Чалишир.
„Среќни сме поради победата над Летонија на стартот, но сега пред нас е тежок натпревар. Одиме чекор по чекор и се надеваме на најдоброто, на секој меч го даваме максимумот“, вели Чалишир.