Новата ракометна сезона почнува со големо дерби, Алкалоид - Вардар!

07 август 2024 - 12:42

Денеска во просториите на Ракометната федерација на Македонија беше извршена ждрепката за новата сезона од Суперлигата, а таа ќе почне со дербито меѓу Алкалоид и Вардар.

Новата сезона треба да почне на 7/8 септември, а како најава претходно ќе се одигра Суперкуп мечот меѓу Пелистер и Алкалоид.

Во првото коло од новата сезона Алкалоид ќе го пречека Вардар, а бранителот на трофејот, Пелистер ќе му гостува на Тиквеш.

Првото дерби меѓу Пелистер и Вардар ќе се игра во четвртото коло, тоа би требало да биде последниот викенд од септември.

Суперлига прво коло:
Алкалоид - Вардар
Тиквеш - Пелистер
Радовиш - Охрид
Бутел - Куманово
Прилеп - Пролет
Струга - Бисинов