Роналдо го копира Леброн Џејмс – нема да се пензионира додека не заигра со синот!
Наследникот Кристијано јуниор има 14 години и игра за младинскиот тим на Ал-Наср, за кој настапува неговиот татко, само му требаат уште најмалку две години пред да може да игра за сениорскиот тим. Португалецот има договор до јуни следната година, а можно е и потоа да остане во Саудиска Арабија, ако не во Ал Наср, сигурно во некој друг клуб бидејќи државата добро плаќа и работи на промоција на фудбалот.
„Тоа е неговата вистинска мотивација, сака да игра игра со синот и затоа не се откажува. Да беше во друг клуб, на пример Реал Мадрид, ова ќе беше неизводливо, но во Ал-Наср такво е можно. Воопшто не е невозможно да играат заедно“, изјави легендарниот Романец, Адријан Муту, кому ваквото сценарио му го потврдил самиот Португалец.
Синот на Роналдо само што наполни 14 години, а неговиот татко ќе има 41 година кога ќе може да игра со својот син.