Матс Хумелс добива понуда од Серија А?

Во меѓувреме челниците на Болоња работат и на доведување на нови имиња. Италијанските медиуми пренесуваат дека желба на раководството на италијанскиот тим е Матс Хумелс.

Заминувањето на Рикардо Калифиори е извесно и тој најверојатно ќе заврши во Арсенал, па Болоња мора да бара негова замена, а искусниот Хумелс изгледа како одлично решение.

Зад Хумелс е одлична сезона во Борусија Дортмунд со кој стигна до финалето во Лигата на шампионите и успеа да се избори за настап во елитното натпреварување преку Бундеслигата.

Претходно името на Хумелс се поврзуваше и со актуелниот германски шампион Баер Леверкузен, па ќе видиме каква ќе биде неговата одлука.