![](https://sport1.mk/files/styles/article/public/article/2024/06/19/229159-pelister-kje-bide-del-od-presilniot-turnir-na-shampionite-vo-doboj.jpg?itok=EjmylbMt)
Пелистер ќе биде дел од (пре)силниот „Турнир на шампионите" во Добој!
Оваа година, тој ќе се одржи од 28 август до 1 септември, а ќе учествува и македонскиот првак Пелистер кој се уште е во очекување на информацијата дали ќе добие специјална покана за настап во Лигата на шампионите. Покрај Пелистер, своето учество на турнирот го потврдија и Веспрем, Татабања, Бешикташ, Загреб, Војводина, домаќинот Слога и египетскиот Ал Ахли.
Составот на групите и распоредот на натпреварите ќе бидат дополнително објавени. Пелистер во минатото два пати го освојуваше турнирот во Добој, во 1996 и 1997 година, а од македонските клубови, два трофеја од него има и Вардар, во 2003 и 2009 година.