Ристовски со соиграчите од Динамо го поддржа Вардар: Сите во Струмица на бараж (ФОТО)

24 мај 2024 - 12:52

Динамо Загреб во средата ја комплетира двојната круна во хрватскиот фудбал откако во финалето од Купот ја победи Риека со 3-1.

Со нови трофеи се закитија и поранешните македонски репрезентативци Аријан Адеми и Стефан Ристовски кои имаа голем придонес во овој успех. Непосредно по завршувањето на сезоната, Ристовски преку социјалните медиуми му даде поддршка на својот матичен клуб Вардар кој в недела против Детонит во Струмица ќе игра бараж за опстанок во Првата лига.

Искусниот бек, заедно со неколкумина негови соиграчи од Динамо, ги повика навивачите да дојдат во Струмица и да му помогнат на Вардар да ја оствари својата цел.