Димитриевски доби нов „шеф“ – кој никогаш досега не бил прв тренер!

14 февруари 2024 - 12:43

Шпанскиот прволигаш Рајо Ваљекано, за кој настапува македонскиот репрезентативец Столе Димитриевски (31), од денеска има нов тренер и тоа малку познатиот Ињиго Перез (36 години).

Станува збор за досегашен помошник во стручниот штаб на тимот од Мадрид, за кого ова е првпат да добие шанса како прв стратег на една екипа. Тој доаѓа на Франциско Родригез, кој вчера доби отказ од клупата на членот на Ла Лига.

Перез како фудбалер играше во младинските категории на Атлетик Билбао, а беше дел и од сениорскиот составна оваа екипа, па потоа настапуваше и за Хуеска, Мајорка, Нумансија и Осасуна, каде што во 2022 година ја заврши кариерата.