Алварез донесе победа, Атлетико Мадрид е нов лидер во Ла Лига (ВИДЕО)

12 јануари 2025 - 18:18

Со гол на Хулен Алварез, Атлетико Мадрид со минимални 1-0 ја совлада Осасуна и изби на врвот на табелата во Ла Лига.

Навивачите на Атлетико Мадрид уште во седмата минута се израдуваа на водство, но голот на Гризман беше поништен поради играње со рака.

По десет минути игра во вториот дел Алварез постигна гол за победа на Атлетико Мадрид од 1-0.

По 19 одиграни меча, Атлетико Мадрид е прв на табелата со еден бод пред градскиот ривал Реал Мадрид и дури шест пред Барселона која е на третото место.