„Ѓоковиќ е херој облечен во костум на негативец!“

10 јуни 2023 - 12:13

Новак Ѓоковиќ вчера славеше против Карлос Алкараз со 3-1 во сетови и обезбеди финале на Ролан Гарос, а коментар за мечот даде австралискиот тенисер Џон Милман.

Милман е воодушевен од настапите на Ѓоковиќ, па во својата колумна го опиша Србинот на интересен начин.

„Како секој добар филм со суперхерој и во спортот се потребни херои и негативци. И тенисот не е исклучок. Во последните 15 години, Роџер и Рафа беа нашите воини и ја воодушевија публиката. Но за да функционира оваа приказна, ни требаше и негативец, а потоа се појави Ѓоковиќ. Најверојатно најдобриот тенисер во историјата. Верувам дека многумина ќе разберат дека Ноле е херој облечен во костум на негативец. И токму тоа му требаше на нашиот спорт“, вели Милман.