Марио ја реши мистеријата: Откриено што си кажале Роналдо и Фернандеш (ВИДЕО)

15 ноември 2022 - 15:48

Кристијано Роналдо со бомбастично интервју со водителот Пол Морган предизвика бура на социјалните мрежи, но и во Манчестер јунајтед, а главна тема утрово беше неговата средба со Бруно Фернандеш во соблекувалната на Португалија.

Фернандеш делуваше како да сака да го избегне Роналдо и се ракуваше кратко со него, по што сите помислија дека тоа е поради изјавите за премиерлигашот, но сепак нивниот колега Жоао Марио се обиде да ги смири страстите и вели дека станува збор за шега.

„Бев во соблекувалната, ги видов и снимките. Тоа е само шега меѓу нив. Бруно стигна меѓу последните, а Кристијано го праша дали доаѓал со брод. Тоа беше шега меѓу нив, тие играат заедно и се во добри односи“, вели Марио.