Скандалозна провокација од Кипар – најавија средба против Скопје, а не против Македонија!

Тие покрај имињата на кошаркари напишаа дека на 26 ноември играат гостински натпревар против Скопје, а три дена подоцна гостуваат кај Австрија. Начинот на кој е напишано не дава можност за некоја ненамерна грешка или најава дека доаѓаат во Скопје како место каде што се игра натпреварот туку намерна провокација со националистичка конотација.

Ова е објава на официјална страница на официјален субјект поради што тука мора да има работа за органите на ФИБА, кои мора да го казнат ова преименување на нашата држава. А на македонските спортски вљубеници е да ја наполнат до последно место салата на мечот против Кипар во салата „Лазар Лечиќ“ и со концерт свирежи да го пречекаат провокаторот. А потоа со френетичен аплауз да ги испратат македонските кошаркари, за кои ваквото понижување треба да биде мотив плус да дадат се од себе и на теренот да ги згазат препотентните Кипарци.