Јакимовски и кога шутира лошо постигнува двоцифрен број поени!

28 ноември 2023 - 08:44

Македонскиот кошаркарски репрезентативец, Андреј Јакимовски, имаше двоцифрен поентерски ефект во триумфот на неговиот Вашингтон стејт во ноќешната победа против Истерн Вашингтон (82-72) во меч од американската НЦАА-лига.

Тој средбата ја заврши со 11 поени и покрај тоа што немаше шутерски ден, односно што погоди само три од 12 упатени удари кон противничкиот кош (2/9 за тројка). Македонецот на паркетот мина 36 минути, во кои оствари и шест скока со две асистенции.

За Вашингтон стејт ова беше петта победа во шестиот дуел од новата сезона. Следен противник за Јакимовски и неговите соиграчи е Портланд стејт универзитетот, дуел закажан за следната сабота.