Хрватите „покажаа заби“, но ѕверот Антетокумпо ја израдува Грција

02 септември 2022 - 19:04

Грчката кошаркарска репрезентација по драматичен меч успеа да ја совлада Хрватска со 89-85 во првото коло на Евробаскетот, а најефикасен на теренот беше неверојатниот Јанис Антетокумпо.

Хрватска го отвори мечот со серија од 7-0, но набрзо нивната предност се стопи и Грција направи целосен пресврт до финишот на првата четвртина (24-16). Антетокумпо и неговите колеги играа брутално и во еден момент стигнаа и до +19 (40-21), а на полувреме заминаа со предност од 46-30.

Грција ја одржуваше високата предност во воведните минути од вториот дел (62-45), но потоа Хрватска влезе во одличен ритам и со 15-0 стигна до само два поени негатива (60-62). Иако нашиот јужен сосед во ниту еден момент не го испушти водството, сепак Хрватите беа блиску и беше драматично до самата завршница.

Антетокумпо беше најдобар во грчкиот состав со 27 поени, 11 скокови и шест асистенции, по што следеше Тајлер Дорси со 27 поени, но само пет скока и две асистенции.

Во мечот кој почна веднаш по Хрватска-Грција славеше Полска со 99-84 против Чешка, а најдобар беше Матеуш Понитка со 26 постигнати поени, четири скокови и девет асистенции.