Реал Мадрид не може без Модриќ – дедото ќе добие нов договор со „кралевите“!

10 февруари 2025 - 14:45

Хрватската фудбалска легенда, Лука Модриќ, летово ќе наполни 40 години, но и покрај возраста продолжува да игра на високо ниво и да дава значителен придонес во дресот на Реал Мадрид, иако минутажа му е ограничена.

Шпанските медиуми пренесуваат дека клубот го смета Хрватот за исклучително важен и на теренот и во соблекувалната, па ќе му го продолжат договорот. Реал Мадрид се придржува до праксата да не дава долгорочни договори на постари фудбалери, туку да ги проценува на крајот на секоја сезона. Претходно, Модриќ потпиша едногодишен договор, а истиот принцип ќе важи и ова лето.

Новото продолжување на договорот ќе ја означи 14-та сезона на Модриќ во Реал, каде што го освои секое можно признание и трофеј.