Грузијците играат против Македонија, но во мислите се со народот на Украина (ФОТО)

27 февруари 2022 - 20:33

Како и на многу спортски настани ширум светот во изминативе неколку дена и на вечерашната кошаркарска пресметка помеѓу Македонија и Грузија во салата „Борис Трајковски“ беше „присутна“ војната што во моментов се води помеѓу Русија и Украина.

Грузиските кошаркари во знак на поддршка на украинскиот народ, на официјалното претставување и интонирање на химните се појавија со знамето на оваа држава. Тоа потоа беше ставено пред нивната клупа, покажувајќи дека народот на Грузија сочувствува со маките на украинските браќа, кои во моментов се обидуваат да се одбранат од агресијата на руските војници.

Жолто-црвените добро го почнаа мечот од квалификациите за СП 2023 во кој постојано се во водство во првото полувреме.