ФИБА потврди: Кошаркарите против Хрватска или Бугарија на патот кон СП 2027!

Македонија е сместена во вториот шешир, заедно со Холандија, Данска и Словачка, што значи дека нема да игра против нив во групната фаза. Меѓу потенцијалните противници се и селекциите на Швајцарија, Романија, Австрија и Норвешка, но најголема закана се Хрватска и Бугарија, кои доаѓаат од првиот шешир и важат за фаворити во претквалификациската фаза, заедно со Унгарија.

Натпреварите ќе се одиграат од 2 до 20 август во двокружен систем, секој против секого, а најдобрите две селекции од секоја група ќе продолжат во главните квалификации за Мундобаскетот. Третопласираните тимови, пак, ќе паднат на самото дно - во претквалификации за Европското првенство 2029.