Антиќ: Не сме виновни за резултатот и не размислуваме да си заминеме од КФМ!
Според првиот човек, Перо Антиќ, на кошаркарите им биле обезбедени максимално услови, какви што немале претходно, со што и тој влезе во друштво на претходниците кои секогаш и во секое време го нагласувале овој факт.
„Воопшто не размислуваме за оставка. Ги направивме сите потребни работи, но ние не можеме да влеземе во теренот и да постигнуваме кошеви. Веруваме во тоа што го работиме и ќе продолжиме во тој правец“, изјави Антиќ.
Со овој став на првиот човек се согласија и останатите во раководството на КФМ, чии чувства за остварениот резултат се помешани.
„Нема апсолутна вистина. Чувствата ни се помешани, а имаше и добри и лоши работи. Секако дека сме разочарани од неуспехот, односно од фактот што нема да играме на следното ЕП 2022, но има и позитивни работи во однос на начинот на кој игравме и од новите таленти кои тропаат на вратата на националниот тим“, изјави спортскиот директор, Тодор Гечевски.
Македонија квалификаците ги заврши со учинок 2-4, идентичен со тој на Естонија, која, сепак, имаше подобра кош-разлика во меѓусебните дуели.