Утешна награда: Лука Дончиќ го има најдобриот потег на ЕП 2022 (ВИДЕО)

22 септември 2022 - 11:19

Челниците на ФИБА денеска ја објавија листата со десет најдобри потези на неодамна завршеното ЕП 2022, на која на првото место се најде словенечкото „чудо од дете“, Лука Дончиќ, како утешна награда за елиминацијата уште во четвртфиналето.

Ѕвездата на Далас е застапен со магичниот дриблинг на мечот против Унгарија, кога прво ја протна топката низ нозете на противникот, а потоа асистира за атрактивен цепелин. Дончиќ го има и четвртиот најдобар потег и тоа неверојатната тројка на крајот од нападот во дуелот против Франција.

Второто место е за Руди Гобер и неговото забивање против Шпанија, а третопласиран е Јанис Адетокумпо со едно од многуте забивања на првенството.