Серијата на Богдан Богдановиќ застана на 110

21 јануари 2025 - 09:07

Атланта Хоукс загуби на гостувањето кај Њујорк со 110-119, но главна вест од натпреварот во Медисон Сквер Гарден е српскиот репрезентативец Богдан Богдановиќ.

Тој го заврши мечот со само еден поен и со тоа прекина една серија која траеше од 17 март 2023 година. До синоќа, Богдановиќ беше во низа од 110 натпревари на кои постигнал барем по една тројка што е петта најдолга серија во историјата на НБА лигата.

Интересно е тоа што Богдановиќ не успеа да го собори ни рекордот на франшизата бидејќи најдолгата низа во историјата на Атланта Хоукс ја има Кајл Корвер и таа изнесува 129 натпревари.