Сабаленка се намачи за полуфинале, покажа и среден прст (ФОТО)

21 јануари 2025 - 11:25

Белорусинката Арина Сабаленка се избори за пласман во полуфиналето на Австралија Опен со победа над Анастасија Пављученкова на „Род Лајвер арената“ (6-2, 2-6, 6-3).

Првата тенисерка на ВТА листата го освои првиот сет со брејкови за 3-1 и 6-2, додека 32. тенисерка во светот трипати го одзема сервисот на Сабаленка во вториот.

Во одлучувачкиот сет следеше витинска игра на нерви, Пављученова прва стигна до брејк, но Белорусинката возврати. Исто се случи и во наредните два гема.

Тензијата можеше да се почувствува, а во еден момент Сабаленка покажа и среден прст кон својо тим. Беше фрустрирана Сабаленка од подобрата игра на ривалката во тие моменти, но на крајот сепак ја врати својата игра на препознатливо ниво и го освои сетот.

Клучниот момент се случи во осмиот гем кога Сабаленка направи брејк и дојде до 5:3, а во следниот гем на свој сервис ја обезбеди победата.

Во полуфиналето Сабаленка ќе се сретне со Паула Бадоса која претходно ја совлада Американката Коко Гоф.