Манчестер сити го претстави и второто засилување, но тука нема да застане

21 јануари 2025 - 13:52

Манчестер сити денеска го потврди и второто засилување во своите редови, Витор Реис од Палмеирас.

Вчера „граѓаните“ го потврдија Хусанов кој пристигна од Ленс во трансфер кој со бонуси може да достигне и 50 милиони евра, а денеска го завршија доведувањето на младиот Бразилец за кого ќе платат 30 милиони евра.

Реис со англискиот шампион потпиша договор до 2029 година. 

Според најавите ова не треба да биде се и во наредниот период во Манчестер сити се очекува и пристигнување на напаѓачот на Ајнтрахт, Омар Мармуш.