Спектакл на сезоната во Лисабон: Барса се крена од бездната и ја победи Бенфика (ВИДЕО)
„Каталонците“ изгледаа дека се загубена позиција бидејќи два пати губеа со два гола разлика, на 12 минути пред крајот беше 4-2 за Бенфика, но трите бода, сепак, заминаа во Шпанија. Барса ги преживеа и очајниот Шчесни и фантастичниот Павлидис кој постигна хет-трик и автоголот на Араухо и стигна до шестата победа во низа со која ја задржа втората позиција на табелата.
Тешко е со зборови да се опише тоа што се случуваше на Да Луз. По половина час игра, Бенфика водеше со 3-1 со хет-трикот на Павлидис, а за два од трите гола беше виновен Шчесни. Во 22. минута непотребно излезе далеку од својот гол и место топката, го собра својот соиграч Балде, овозможувајќи му на Павлидис во тие моменти да ја донесе Бенфика во водство од 2-1. Во 29. минута Полјакот направи и пенал од кој Павлидис ја зголеми предноста на својот тим.
Во второто полувреме дојде до голем пад во играта на домашниот тим и на тоа се должи пресвртот на Барселона. Прво Рафиња со еден од најчудните голови намали на 2-3, но веќе во следниот напад Араухо си постигна автогол и Бенфика пак имаше два гола предност. Сепак, натпреварот не беше завршен. Во 78. минута Левандовски доби уште еден пенал и пак беше прецизен од белата точка, во 87. минута Ерик Гарсија го искористи фантастичниот центаршут на Гави, а во шестата минута од судиското продолжение Рафиња истрча молневита контра и стави точка на неверојатниот пресврт на неговиот тим.
Од денешните натпревари, за издвојување е триумфот на ПСВ против Црвена Звезда со 3-2 по што белградскиот тим е елиминиран од Лигата на шампионите.
РЕЗУЛТАТИ
Аталанта - Штурм 5-0
Монако - Астон Вила 1-0
Атлетико - Баер 2-1
Бенфика - Барселона 4-5
Болоња - Борусија Дортмунд 2-1
Бриж - Јувентус 0-0
Црвена Звезда - ПСВ 2-3
Ливерпул - Лил 2-1
Слован - Штутгарт 1-3