Ленард во животна форма, Клиперс во серија од шест победи (ВИДЕО)

Откако постигна 41 поен против Хјустон, 28 против Портланд, 55 против Детроит и 33 против Сакраменто, Ленард блескаше и против Јута со 45 поени. Харден додаде 20, а Никола Батум 14, што беше повеќе од доволно за шестата победа по ред на разиграните Клиперс, кои се во најдобра форма од почетокот на сезоната.

Тие сè уште се надвор од плејоф зоната, но се најблиску до неа од почетокот на натпреварувачката кампања, која ја почнаа катастрофално. Сега се во голем налет и се чини дека е само прашање на време кога ќе го заземат местото што им припаѓа.

На дуелот против Јута, Клиперс го свртеа натпреварот во последната четвртина, во која постигнаа седум тројки по ред. Ленард погоди четири шутеви од дистанца во оваа серија, заокружувајќи ја со тоа својата феноменална игра и го насочи натпреварот во посакуваната насока. Гостите потоа потклекнаа, а иако успеаја да надоместат негатива од 21 поен во текот на натпреварот, без триото ударни играчи Лаури Марканен-Јусуф Нуркиќ-Кијонте Џорџ не можеа да направат повеќе.

Во нивно отсуство, Кајл Андерсон се истакна со 22 поени, што е негов прв натпревар од 20+ поени по речиси три години, по него следеа Брајс Сенсабо со 20 и Коди Вилијамс со 18 поени. За Јута Џез, тоа беше шести пораз во последните осум натпревари.

РЕЗУЛТАТИ
Бруклин - Хјустон 96-120
Детроит - Мајами 112-118
Далас - Филаделфија 108-123
Сакраменто - Бостон 106-120
ЛА Клиперс - Јута 118-101