Леброн оди на мегдан со Јокиќ, крај за Голден Стејт (ВИДЕО)
Со тоа, најтрофејниот тим во лигата си обезбеди дуел со бранителот на титулата Денвер Нагетс, предводен од Никола Јокиќ. Леброн го предводеше својот тим и за малку не стигна до трипл-дабл бидејќи постигна 23 поени, 9 скока и 9 асистенции. Одличен ефект имаше и Ентони Дејвис кој додаде 20 поени и 15 скока, а на Њу Орлеанс не му беа доволни ни 40 поени и 11 скока на Зајон Вилијамсон.
Болен пораз доживеа Голден Стејт кој загуби на гостувањето кај Сакраменто со 94-118. Одлучи второто полувреме кое Кингс го добија со 64-44. Најефикасен во домашниот тим беше Мареј со 32 поена, Фокс додаде 22, а Сабонис повторно дојде до трипл-дабл од 16 поени и 12 скока. Кај Голден Стејт, Кари заврши со 22 поена, а очаен беше Клеј Томпсон кој ги промаши сите 10 шута за тројка.
За Вориорс заврши оваа сезона, а Сакраменто ќе игра со Њу Орлеанс за последното, осмо место на Западот и дуел со Оклахома во првата рунда од плејофот. Вечерва се играат дуелите од плејинот и од Источната конференција каде Филаделфија се среќава со Мајами, а Чикаго со Атланта.