Кралот испиша историја, Леброн е првиот кошаркар со 50.000 поени! (ВИДЕО)

05 март 2025 - 08:16

Лос Анџелес Лејкерс ја забележа седмата победа по ред откако го совлада Њу Орлеанс со 136-115, на овој меч Леброн стана првиот кошаркар кој стигнал до 50.000 поени во НБА кариерата.

Леброн и Дончиќ почнаа да функционираат заедно, а тоа го чувствуваат и нивните противници, Лејкерс игра во голема форма.

Но, она за кое се зборува денеска е големиот рекорд на Леброн Џејмс, 50.000 поени во кариерата. Ниту еден друг кошаркар не стигнал ни блиску до оваа бројка. Вториот на листата е Карим Абдул-Џабар со 44,149 поени.

Леброн во натпреварот влезе со 49.999 поени, па уште на почетокот од мечот го постави рекордот.

Тој беше и најефикасен во составот на Лејкерс со 34 поени, Дончиќ реализираше 30, а имаше и 15 асистенции. Најефикасен на мечот беше Вилијамсон од Њу Орлеанс.

Резултати:

Индијана - Хјустон 115-102
Орландо - Торонто 113-114
Атланта - Милвоки 121-127
Њујорк - Голден стејт 102-114
Чикаго - Кливленд 117-139
Минесота - Филаделфија 126-112
Сан Антонио - Бруклин 127-113
Феникс - ЛА Клиперс 119-117
ЛА Лејкерс - Њу Орлеанс 136-115