Моќна партија на Јокиќ, стигна и до јубилејните 15.000 поени во НБА кариерата! (ВИДЕО)

31 декември 2024 - 08:06

Никола Јокиќ имаше ново фантастично издание со кое го предводеше Денвер до триумф на гостувањето кај Јута од 132-121, српскиот кошаркар постигна моќен трипл-дабл, а на овој меч дојде и до 15.000 поени во НБА кариерата.

Првото полувреме помина во изедначена игра, Денвер клучната разлика за победата ја направи во третиот период кој го доби со 11 поени разлика, беше 34-23. Позитивата успеа да ја одржи до крајот за конечни 132-121.

Никола Јокиќ имаше фантастична партија, направи трипл-дабл со 36 поени, 22 скокови и 11 асистенции, а имаше и четири украдени топки.

Српскиот кошаркар дојде и до јубилејните 15.000 поени во кариерата.

Јокиќ не беше единствениот во составот на Денвер кој постигна трипл-дабл, тоа го направи и Расел Вестбрук со 16 поени, 10 скокови и 10 асистенции. Одличен беше и Мареј кој имаше 20 поени и 10 асистенции. Во составот на Јута, Кларксон реализираше 24 поени.

Резултати:
Шарлот - Чикаго 108-115
Вашингтон - Њујрок 106-126
Њу Орлеанс - ЛА Клиперс 113-116
Јута - Денвер 121-132
Голден стејт - Кливленд 95-113
Портланд - Филаделфија 103-125
Сакраменто - Далас 110-100