Јокиќ и Денвер изгледаа немоќно во Минесота - шоу на Едвардс! (ВИДЕО)

26 јануари 2025 - 08:45

Денвер беше убедливо поразен на гостувањето кај Минесота со 29 поени разлика, беше 133-104 за Тимбервулвс, Никола Јокиќ не беше на нивото од претходните натпревари.

Домаќините предводени од одличниот Едвардс, уште во првата четвртина покажаа сила, тие 12 минути ги добија со 40-31. Ги добија и сите следни четвртини за на крајот да слават убедлив триумф од 133-104.

Никола Јокиќ на паркетот мина нешто повеќе од 32 минути за кои постигна 20 поени, имаше 11 асистенции, но само три скокови. Најефикасен во составот на Денвер беше Мареј со 25 поени.

Лидер во победата на Минесота беше Ентони Едвардс кој натпреварот го заврши со 34 поени, имаше и девет асистенции, Рендл реализираше 21 поен.

Кливленд веќе не е најдобар тим сезонава, овој статус го загуби откако го нареди третиот пораз во серија, овојпат на домашен терен од Хјусон со 131-135.

Гарленд и Мичел имаа одличен меч, првиот даде 39 поени, вториот 33, но останатите не ги следеа. Кај Хјустон најефикасни беше Грин и Шенгун кои постигнаа по 26 поени.

Резултати:
Сан Антонио - Индијана 98-136
Минесота - Денвер 133-104
Далас - Бостон 107-122
Бруклин - Мајами 97-106
Шарлот - Њу Орлеанс 123-92
Орландо - Детроит 121-113
Атланта - Торонто 94-117
Кливленд - Хјустон 131-135
Њујорк - Сакраменто 143-120
Чикаго - Филаделфија 97-109
Мемфис - Јута 125-103
Голден стејт - ЛА Лејкерс 108-118
Феникс - Вашингтон 119-109
ЛА Клиперс - Милвоки 127-117