Газдата на Далас го понижи Дончиќ: Ни требаат вредни кошаркари!

10 февруари 2025 - 12:14

Сопственикот на Далас маверикс, Патрик Думонт конечно одлучи да даде коментар за заминувањето на словенечкиот кошаркар Лука Дончиќ во Лос Анџелес лејкерс.

Во разговор со медиумите, Думонт ги отфрли шпекулациите дека Дончиќ заминал поради подобра финансиска понуда, по што ја раскажа својата страна од приказната која најверојатно нема да му се допадне на Словенецот.

„Тимовите победуваат затоа што кошаркарите се фокусирани и имаат силен карактер. Тие покажуваат силна посветеност и работат напорно за да помогнат на патот кон шампионскиот прстен. Ако не се работи така, тогаш поразот е неизбежен. Ако ги погледнете легендите како Џордан, Коби, Шекил, тие тренираа напорно секој ден. Ако го немате тоа, тогаш нема резултати. Ако го немате тоа, нема зошто да бидете дел од Далас“, кажа Думонт.