Жалгирис по продолженија го совлада Милано, Фенербахче триумфално мина низ Валенсија

28 февруари 2020 - 23:13

Одличен меч беше одигран во Каунас во рамки на 26. коло од Евролигата во кој Жалгирис успеа да слави со 105-97 против Армани Милано по продолженија.

Жалгирис почна да влегува во форма како што доаѓа крајот на регуларниот дел од сезоната во кој бркаат позиција во нокаут-фазата.

Жалгирис доминираше во првото полувреме, па на паузата замина со водство од 53-44, но во вториот дел Милано се врати на вистински начин и успеа да израмни на 91-91.

Во продолженијата домаќините покажаа повеќе концентрација и на крајот успеаа да слават со осум поени разлика. Нигел Хејс беше најдобар со 21 поен кај Жалгирис.

На останатите два меча Химки славеше против Лион, додека Фенербахче ја совлада Валенсија.