Разбојници ограбиле кошаркарски џин на Барселона

29 мај 2023 - 13:36

Турскиот кошаркар Сертач Шанли бил ограбен во Барселона по вечера во ресторан, откако двајца разбојници му го украле часовникот од рака, по што избегале со мотоцикл во непознат правец.

Шанли останал без часовник вреден 25.000 долари, а ова не е првпат спортист да биде ограбен во Барселона затоа што претходно Пјер-Емерик Обамејанг беше нападнат во неговиот дом.

Со оглед на тоа дека и во изминатите недели имало слични грабежи во Барселона, полициските службеници отворија истрага за пронаоѓање на разбојниците.

Шанли во регуларниот дел од сезоната со Барселона во Евролигата постигнуваше по 7,8 поени, 3,9 скокови и 0,8 асистенции по меч.