Aнглиски репрезентативец ги шокираше навивачите: Мексико е фаворит против нас!

Англија ја очекува натпревар против еден од домаќините на турнирот на легендарниот стадион „Азтека“, а изјавата на Гуехи не им се допадна на навивачите.

„Би рекол дека Мексико е веројатно фаворит. Играат многу добро на турнирот, домаќини се на „Азтека“ и ќе ја имаат поддршката од публиката, па знаеме дека пред нас е голем предизвик. Но тоа е предизвик на кој сме подготвени и со задоволство го прифаќаме.“

Неговата изјава предизвика бран незадоволство на социјалните мрежи, каде дел од навивачите го критикуваа неговиот став и менталитет.

„Жал ми е, но да се каже дека Мексико е фаворит само поради надморската височина и домашниот терен, додека нивниот најдобар играч е 35-годишен напаѓач од Чемпионшип кој е склон на повреди, е едноставно патетично“, напиша еден од фановите на социјалните мрежи.

Друг додаде дека тоа „открива лош менталитет и однапред прифаќање пораз“, додека трети коментираа дека мислењето за Гуехи значително им се променило за време на турнирот.

Натпреварот во Мексико Сити претставува голем предизвик за Англија, со оглед дека Мексико на овој стадион, кој се наоѓа на голема надморска височина, има само два порази во последните 89 натпревари. Дополнително, домаќините ќе имаат и силна поддршка од околу 87.000 навивачи.

Дуелот помеѓу Мексико и Англија е закажан за в понеделник во терминот од два часот по полноќ.