Португалија има ѕвер под кошевите, затоа лесно ја преслуша Чешка на стартот на ЕП!

27 август 2025 - 16:35

Репрезентацијата на Португалија со победа над Чешка (62-50) го почна настапот на Европското првенство (ЕП), кое почнувајќи од денеска ќе се игра во Финска, Летонија, Полска и Кипар и ќе трае до средината на септември.

Средбата во Рига не беше ефикасна, ниту убава за око, а за одбележување е само блескавиот настап на португалскиот центар, Немиас Куета. Тој одигра извонреден натпревар со 23 поени и дури 18 скока, од кои 15 во одбрана, што му донесе висок индекс-рејтинг од 39. Поддршка му даде Рафаел Лисбоа со 15 поени, додека во редовите на Чешка единствен двоцифрен реализатор беше Вит Крејчи со 10 поени.

Претходно денеска, Литваниоја беше подобра од Велика Британија.