Ракометниот Суперкуп спектакл за првпат во Кавадарци!

27 август 2025 - 19:14

Ракометниот Суперкуп на Македонија помеѓу Вардар и Пелистер ќе биде одигран во салата, „Јасмин“ во Кавадарци, информираше Ракометната феерација на Македонија.

Кавадарци за првпат ќе биде домаќин на еден ваков ракометен натпревар, а натпреварот ќе се одигра на 3 септември со почеток од 19:00 часот.

Во Суперкупот Вардар ќе игра за својот петти трофеј, додека битолскиот клуб ќе се обиде да дојде до својот трети. Минатата година Суперкупот му припадна на Алкалоид, па така јасно е дека сега ќе имаме нов победник.

Пелистер и Вардар летово веќе играа во Охрид каде што славеа битолчани, а исто така ќе се сретнат и кон крајот на овој месец на регионалниот турнир во Скопје.