Евролигата ги продолжи лиценците со 13 екипи до 2040 година

11 јуни 2024 - 15:28

Вкупно 13 клубови кои се акционери во Евролигата ги продолжија договорите со елитното натпреварување во кое ќе се натпреваруваат најмалку до крајот на сезоната 2039/40

Договорот меѓу страните е постигнат две години пред да заврши актуелниот, а тоа значи дека нема ништо да се менува во Евролигата.

Екипи кои се акционери во натпреварувањето се Анадолу Ефес, Басконија, Барселона, Фенербахче, Макаби Тел Авив, Армани, Олимпијакос, Панатинаикос, Реал Мадрид, Асвел, Баерн Минхен, Жалгирис и ЦСКА.

За останатите клубови за следната сезона ќе биде одржан состанок следната недела, а веќе беше испратена покана до Црвена Звезда и Партизан.