Барселона бара да му се одземат титулите на Реал Мадрид

15 февруари 2024 - 13:55

Шпанските гиганти Барселона и Реал Мадрид повторно се во војна, но овој пат на кошаркарските терени и причина за тоа е фалсификуваниот пасош на Маркус Слејтер од 2015 година.

Доколку судот потврди дека Американецот имал лажни документи, Барселона ќе бара на Реал да му се одземат титулите во шпанската лига и Куп за таа година.

Случајот беше отворен во суд во Мадрид, а Американецот Слејтер е обвинет дека на недозволен начин добил пасош на неколку дена пред почетокот на шпанскиот Куп.

„Ќе бараме да му се одземат титулите на Реал Мадрид“, кажа адвокатот на Барселона, Жорди Пина.