Роналдо нема да биде среќен - ќе чека шанса од клупа против Данска

30 септември 2026 - 19:13

Португалскиот фудбалер Кристијано Роналдо најверојатно повторно ќе започне од клупата за резервни фудбалери, овојпат на натпреварот против Данска, кој се игра утре вечер од 20.45 часот.

Селекторот на Португалија, Жорже Жезус потврди дека разговарал со капитенот на репрезентацијата и дека Роналдо е запознаен со одлуката да не биде стартер на натпреварот.

„Нема никакви проблеми со Кристијано. Разговаравме и му кажав дека нема да започне против Норвешка и Данска. Кристијано е свесен за тоа и нема никаков проблем“, кажа Жезус.

Според најавите, доколку сè помине според планот, Гонзало Рамош ќе биде напаѓачот кој ќе го предводи нападот на Португалија против Данска.

Оваа информација доаѓа откако претходно се појави шпекулација дека Роналдо направил бура во репрезентацијата и не сакал да тренира со соиграчите.

Фото: Facebook/Seleções de Portugal