Аврамовиќ со титулата од ВТБ лигата се сели во Дубаи

10 јуни 2025 - 09:43

Плејмејкерот на српската репрезентација Алекса Аврамовиќ по една сезона пауза, се враќа во Евролигата.

Тој дефинитивно ја напушта ЦСКА Москва со која синоќа триумфираше во ВТБ лигата, а самиот објави каде ќе ја продолжи играчката кариера.

„Веќе потпишав договор со Дубаи за идната сезона. Тешко ми е, неколку недели размислував за понудата од Дубаи и заедно со менаџментот на ЦСКА, одлучив да ја прифатам. Сакам да им порачам на навивачите на ЦСКА дека и покрај тоа што екипата не игра во Евролигата, има одлични кошаркари“, изјави Аврамовиќ.

Дубаи идната сезона ќе дебитира во елитното кошаркарско натпреварување и веќе почна со составувањето на тимот со кој ќе се обиде веднаш да остави силен впечаток.