Војдан Стојановски и Елена Тасевска најдобри кошаркари во Македонија во 2023 година

На денешната свечена церемонија, тие ги добија главните награди што не е големо изненадување ако се знае дека со своите екипи триумфираа во домашното првенство. Стојановски со МЗТ Скопје ја освои тројната круна во домашната кошарка (првенство, Куп и Суперкуп), а Тасевска со Баскет ги освои трофеите во првенството и Суперкупот. Двајцата беа прогласени за МВП на финалните серии.

Кога станува збор за останатите признанија, немаше големи изненадувања. За најдобар тренер во машка конкуренција е прогласен Марјан Илиевски кој имаше голема конкуренција во Васко Атанасов од МЗТ Скопје, додека кај дамите, истата награда замина кај Златко Гоцевски кој со Баскет Кам ја освои титулата во првенството.

Признанија добија и Емил Рајковиќ, Ненад Димитријевиќ и Анџелика Митрашиновиќ како најдобри репрезенти на македонската кошарка во странство. За најдобри млади кошаркари се прогласени Никола Јаничиќ и Ања Начевска.

СПИСОК НА НАГРАДЕНИ
Најдобар женски младински тим - БАСКЕТ КАМ У18
Најдобар машки младински тим - РАБОТНИЧКИ У14
Најдобар тренер на женска екипа во младински лиги - ЈОРДАН ЦВЕТАНОВСКИ
Најдобар тренер на машка екипа во младински лиги - НЕРМИН ПЕПИЌ
Најдобра млада кошаркарка - АЊА НАЧЕВСКА
Најдобар млад кошаркар - НИКОЛА ЈАНИЧИЌ
Најдобар судија - ИГОР МИТРОВСКИ
Најдобра женска екипа во сениорска конкуренција - БАСКЕТ КАМ
Најдобра машка екипа во сениорска конкуренција - МЗТ СКОПЈЕ
Најдобар тренер на женска екипа во сениорска конкуренција - ЗЛАТКО ГОЦЕВСКИ
Најдобар тренер на машка екипа во машка конкуренција - МАРЈАН ИЛИЕВСКИ
Најдобар 3х3 екипа - КИНО ВЛАЕ
Најдобар 3х3 играч - ЕВРИН ЦОГО
Кошаркарка на годинат - ЕЛЕНА ТАСЕВСКА
Кошаркар на годината - ВОЈДАН СТОЈАНОВСКИ
Најдобар тренер во странство - ЕМИЛ РАЈКОВИЌ
Најдобар кошаркар во странство - НЕНАД ДИМИТРИЈЕВИЌ
Најдобра кошаркарка во странство - АНЏЕЛИКА МИТРАШИНОВИЌ
Најдобра младинска репрезентација - У20 МАЖИ