Вардар се намачи против талентите на МЗТ Скопје во дербито на дното!

19 јануари 2020 - 20:20

Со одличната игра во последната четвртина, екипата на Вардар потешко од очекуваното славеше над талентите на МЗТ Скопје УНИ БАНКА со 82-77, во дербито на дното од табелата во Суперлигата.

Младите „штркчиња“ одлично го стартуваа натпреварот и по три минути игра дојдоа до предност од 9-2, но во продолжението од првата четвртина домаќинот успеа да ги консолидира своите редови, па ја доби четвртината со 16-15. Во вториот период Вардар одигра подобро, пред се во одбраната и на пауза замина со предност од 36-31. Сепак, гостите одиграа одлично во третиот дел кој го добија со одлични 28-19, покажувајќи дека не сличајно се дел од елитата. Но, искуството си го направи своето, па со 27-18 во последната четвртина, домаќинот дојде до втората победа сезонава. За разлика од нив МЗТ Скопје УНИ БАНКА останува закован на дното од табелата, без ниту еден триумф.

Фото: МКФ