Работнички со нов Американец против Тиквеш ќе бара прва победа сезонава

21 октомври 2025 - 13:58

Кошаркарите на Работнички пред натпреварот потив Тиквеш во кој ќе ја бараат првата победата во сезоната ќе бидат посилни за Американецот, Брендон Алстон.

Тимот на од Градски Парк сезонава по две кола се уште е без победа, а по поразот од ТФТ сега триумф ќе бараат против екипата од Кавадарци, а доведувањето на Алстон треба да му даде повеќе опции на тренерот Мирковски.

Во Работнички, Алстон доаѓа од Нов Зеланд каде што настапуваше за тимот на Хоукс Беј и оствари ефект од 14.3 поени, 5.9 асистенции и 3.1 скок по натпревар. 

Низ кариерата претходно собираше искуство во: Португалија, Естонија, Финска, Чешка, Романија, Германија и НЦАА. Ќе потсетиме, Работнички сезонава имаше проблем и со регистрацијата на странски кошаркари поради доловите, а тој проблем беше решен минатата недела.

Натпреварот против Тиквеш, центарци го играат денеска во терминот од 18:00 часот.