Првпат по четири години трпил дабл во женската кошаркарска лига!

29 ноември 2025 - 19:14

Шампионот на Македонија во женска конкуренција, Баскет Кам денеска славеше над Пaтриот со убедливи 74-38, а овој натпревар се најде во центарот на вниманието и поради кошаркарката на победничкиот состав Сања Адамовска.

Таа беше најефикасен играч на натпреварот, но успеа да оствари и трипл дабл со што влезе влезе во тесното друштво кошаркарки на кои им успеало тоа во македонската кошарка.

За помалку од 30 минути во игра, таа постигна 16 поени, 14 скока и 14 асистенции за индекс 40, поголем од сите кошаркарки на Патриот заедно.

Пред Адамовска, последна која успеа да постигне трипл дабл во македонското кошаркарско првенство во женска конкуренција беше Анџелика Митрашиновиќ која на 29 април 2021 година, како член исто така на Баскет Кам постигна 29 поени, 13 асистенции и 11 украдени топки.